ഇന്ന് "ബ്ലോഗയ തൃതീയ"
ബ്ലോഗ് ചെയ്യുന്നവര് ഇന്ന് ഒരു പോസ്റ്റെങ്കിലും ഇട്ടാല് വര്ഷം മുഴുവന് ആ പോസ്റ്റിനു കമന്റുകള് ലഭിക്കും എന്നാണു ബ്ലോഗയ തൃതീയ സങ്കല്പം. ഈ ഒരു പോസ്റ്റിന്റെ ഐശ്വര്യം ആ വര്ഷം മുഴുവന് നിലനില്ക്കും എന്നും കരുതപ്പെടുന്നു. ബ്ലോഗയ തൃതീയയെ പറ്റി പല ഐതീഹ്യങ്ങളും ഭൂലോകത്ത് ഇന്നും നിലനില്ക്കുന്നുണ്ട്. ബാലഭദ്രന് എന്നൊരു ബ്ലോഗ്ഗര് ആദ്യമായി പോസ്റ്റ് ഇട്ട ദിനത്തിന്റെ ഓര്മ്മയ്ക്കായിട്ടാണ് ഈ ബ്ലോഗയ തൃതീയ ആചരിക്കുന്നത് എന്ന് വിശ്വസിക്കുന്ന ബ്ലോഗ്ഗര്മാര് കുറവല്ല. എന്നാല് ഈ ദിനത്തില് ചില ബ്ലോഗ്ഗര്മാര് അവരുടെ പോസ്റ്റുകള് ഇ-മെയിലായി നിര്ദ്ധനരായ വായനക്കാര്ക്ക് എത്തിച്ചു കൊടുത്തതിനു ശേഷമേ ജലപാനം നടത്താറുള്ളൂ എന്നും കണ്ട് വരുന്നു. ഇങ്ങനെ ഈ ദിവസം ഉപവാസം അനുഷ്ടിക്കുന്ന ഒരാചാരം ചില ബ്ലോഗര്മാര് ഇപ്പോഴും മുടങ്ങാതെ അനുഷ്ടിച്ച് വരുന്നുണ്ട് എന്നാണ് അറിയുന്നത്.
ബ്ലോഗയ തൃതീയയുമായി ബന്ധപ്പെട്ട മറ്റു ചില ഐതിഹ്യം കൂടി നോക്കാം.
പുണ്യം ക്ഷയിക്കാത്ത ബ്ലോഗിങ് - ബ്ലോഗയ തൃതീയ.
ബ്ലോഗനാര് മാസത്തിലെ ശുക്ള തൃതീയയില് വരുന്ന ഈ ദിനം പുതിയ ബ്ലോഗ് തുടങ്ങാനുള്ള ഉത്തമ ദിവസമാണെന്നത് ഈ ദിവസത്തിന്റെ മഹത്വത്തില് പെടുന്നു.
ബൂലോകത്തില് ഭാവനാ സമ്പന്നതയുടെയും രചനാ സമൃദ്ധിയുടേയും പ്രതീകമാണ് ബ്ലോഗിലെ ഓരോ പോസ്റ്റും.അതിനാല് ഈ ദിനത്തില് ഒരു പുതിയ പോസ്റ്റ് ഇടുക എന്നതാണ് ഈ ദിനത്തിലെ മഹത്തായ കര്മ്മവും ആചാരവും. അല്ലാതെ ബ്ലോഗയ തൃതീയദിനം സ്വര്ണ്ണാഭരണങ്ങള് വാങ്ങുന്നത് പുണ്യമാണ് എന്ന് വിശ്വസിക്കുന്നത് പോലും പാപമാണ്. അന്ന് സ്വര്ണ്ണം ക്രയവിക്രയം ചെയ്താല് ടാഗിന്റെ പേരിലും വാ തുറന്നാല് കള്ളം പറയുന്ന സെയില്സ്മാന്റെ പേരിലും പരാജയം സംഭവിക്കുമെന്നത് നിശ്ചയമാണെങ്കിലും ധനനഷ്ടം ഉണ്ടാകും എന്നത് തീര്ച്ചയാണ്. ബൂലോകത്തുള്ള അവിവാഹിതരായ ബ്ലോഗ്ഗര്മാര്ക്കും ഈ ദിവസം വിവാഹാലോചനയ്ക്കും, പ്രണയ ബന്ധങ്ങള് ആരംഭിക്കുന്നതിനും പുതിയ പോസ്റ്റുകള് ഇടുന്നതിനും ഏറ്റവും അനുയോജ്യമായ ദിനമായി തെരഞ്ഞെടുത്തുവരുന്നു.എന്നാല് ഈ ദിനം “സര്പ്രൈസ് ഗിഫ്റ്റുകള്“ നല്കാന് തിരഞ്ഞെടുത്താല് മാനഹാനി സംഭവിക്കുമെന്നും പ്രബലമായ വിശ്വാസമുണ്ട്.
ബൂലോകത്തില് ഭാവനാ സമ്പന്നതയുടെയും രചനാ സമൃദ്ധിയുടേയും പ്രതീകമാണ് ബ്ലോഗിലെ ഓരോ പോസ്റ്റും.അതിനാല് ഈ ദിനത്തില് ഒരു പുതിയ പോസ്റ്റ് ഇടുക എന്നതാണ് ഈ ദിനത്തിലെ മഹത്തായ കര്മ്മവും ആചാരവും. അല്ലാതെ ബ്ലോഗയ തൃതീയദിനം സ്വര്ണ്ണാഭരണങ്ങള് വാങ്ങുന്നത് പുണ്യമാണ് എന്ന് വിശ്വസിക്കുന്നത് പോലും പാപമാണ്. അന്ന് സ്വര്ണ്ണം ക്രയവിക്രയം ചെയ്താല് ടാഗിന്റെ പേരിലും വാ തുറന്നാല് കള്ളം പറയുന്ന സെയില്സ്മാന്റെ പേരിലും പരാജയം സംഭവിക്കുമെന്നത് നിശ്ചയമാണെങ്കിലും ധനനഷ്ടം ഉണ്ടാകും എന്നത് തീര്ച്ചയാണ്. ബൂലോകത്തുള്ള അവിവാഹിതരായ ബ്ലോഗ്ഗര്മാര്ക്കും ഈ ദിവസം വിവാഹാലോചനയ്ക്കും, പ്രണയ ബന്ധങ്ങള് ആരംഭിക്കുന്നതിനും പുതിയ പോസ്റ്റുകള് ഇടുന്നതിനും ഏറ്റവും അനുയോജ്യമായ ദിനമായി തെരഞ്ഞെടുത്തുവരുന്നു.എന്നാല് ഈ ദിനം “സര്പ്രൈസ് ഗിഫ്റ്റുകള്“ നല്കാന് തിരഞ്ഞെടുത്താല് മാനഹാനി സംഭവിക്കുമെന്നും പ്രബലമായ വിശ്വാസമുണ്ട്.
ബ്ലോഗയതൃതീയയുടെ പ്രസക്തിയും പ്രാധാന്യവും ഉയര്ത്തിക്കാട്ടുന്ന ബൂലോകത്തില് പ്രചരിക്കുന്ന മറ്റൊരു കഥയിങ്ങനെ:
അനോണികളുടെയും മറ്റു പല കള്ള പ്രൊഫൈലുകാരുടെയും നിരന്തരമായ ഭീഷണികളില് മനം മടുത്ത് മുഖ്യധാരാ ബ്ലോഗില് നിന്നും ഒളിച്ചോടേണ്ടി വന്ന ഒരു പാവം ബ്ലോഗ്ഗര്, തന്റെ ഈ നിലക്ക് ഒരു മാറ്റം വരുവാനായി ഗൂഗിള് ദൈവത്തിനോട് മുട്ടിപ്പായി പ്രാര്ത്ഥിച്ചു. അങ്ങിനെ ഒരു നാള് ഗൂഗിള് ദൈവം പ്രത്യക്ഷപ്പെട്ട് ബ്ലോഗര്ക്ക് ഒരു വരം നല്കി. ഗൂഗിള് ദൈവം ഒരു പുതിയ അഗ്രിഗേറ്റര് സൃഷ്ടിച്ച് കൊടുത്ത് കൊണ്ട് അതില് അപ്ഡേറ്റ് ആകുന്ന മറ്റു ബ്ലോഗര്മാരുടെ ഓരോ പോസ്റ്റിലും ഓരോ കമന്റ് വീതം ഇടാന് പറയുകയും,അത് നൂറ്റൊന്നു കമന്റ് പൂര്ത്തിയായാല് സ്വന്തമായി ഒരു പോസ്റ്റ് ഇടാനും പറഞ്ഞു. ഇപ്രകാരം നമ്മുടെ ബ്ലോഗര് നൂറ്റൊന്നു കമന്റ് പൂര്ത്തിയാക്കുകയും സ്വന്തമായി ഒരു പോസ്റ്റ് അഗ്രിഗേറ്ററില് ഇടുകയും ചെയ്തു.ഓടിപ്പോയ ബ്ലോഗറുടെ പുതിയ പോസ്റ്റ് കണ്ട് ദേഷ്യം വന്ന മറ്റു ബ്ലോഗര്മാര് അനോണി ഐഡിയില് കൂട്ടം കൂട്ടമായി വന്ന് തെറി കമന്റുകളും ആക്ഷേപങ്ങളും ഇടാന് ശ്രമിച്ചെങ്കിലും തന്റെ പ്രാര്ത്ഥനയുടെ ഫലമായി ഗൂഗിള് ദൈവം അനോണി ഓപ്ഷന് എടുത്ത് കളയാനുള്ള മന്ത്രം പഠിപ്പിച്ചിരുന്നതായി വരം കൊടുത്ത രേഖകളില് നിന്നും മനസ്സിലാക്കിയ ബ്ലോഗ്ഗര് ആ അനോണി ഓപ്ഷന് ഇല്ലാതാക്കിയിരുന്നു.ഈ ദിവസം മുതലാണ് അനോണികളെ കമന്റ് ചെയ്യുന്നതില് നിന്നും മാറ്റി നിര്ത്താന് തുടങ്ങിയത്.അനോണികളെ അന്നു മുതല് വെറുക്കപ്പെട്ടവരായും കണക്കാക്കി വരുന്നു. അതാണ് ഈ ദിവസത്തിന്റെ പ്രത്യേകതയെന്നും, ഈ ദിവസത്തിന്റെ മാഹാത്മ്യം പരിഗണിച്ചാണ് എല്ലാ ബ്ലോഗര്മാരും ഇന്നും ബ്ലോഗയ തൃതീയ ആഘോഷിക്കുന്നത് എന്നുമാണ് ഐതിഹ്യം.
ബ്ലോഗയ തൃതീയദിനത്തില് പോസ്റ്റ് ചെയ്യുന്ന ഏതോരു ബ്ലോഗര്ക്കും ഈ വര്ഷം മുഴുവനും ഐശ്വര്യവും സമാധാനവും കമന്റുകളും ലഭിക്കും. ആയതിനാല് എല്ലാ ബ്ലോഗര്മാരും ഈ ദിനത്തില് ഒരു പോസ്റെങ്കിലും ഇട്ട് ഈ ബ്ലോഗയ തൃതീയ ദിനം ആഘോഷിക്കണം എന്ന് അഭ്യര്ത്തിക്കുന്നു.
എല്ലാവര്ക്കും എന്റെ ബ്ലോഗയ തൃതീയ ആശംസകള്!